驚喜

最近心情極之煩躁.. 不時發脾4又大鬧...

感動既係今晚老公送左份神秘禮物比我..

一年365日, 日日都有為一個名慶祝...

12月25日係聖誕, 法文係Noel, 所以都係我既節日~ (Noelle)

我仲話今日係我既節我有冇禮物先~(其實我只係講下笑)

點知佢話..係喎~ 好似係喎~ 所以有份禮物比你~

(我只係準備左大家聖誕節既禮物..所以真係好驚訝)

開盒見係我想要既白色PSP (仲有幾隻我想要既game)

我想要左好耐不過一直都冇買..怕玩兩玩又掉埋一邊..

不過真係好開心.. LocoRoco真係好爆笑~~ 日文對白好可愛~! 心心~

Q-POT

有冇攪錯...

EBAY有人已經賣400USD.. (JM都係175USD)

覺得佢幾靚呢~ 睇左佢既VIDEO之後~

堅強

自己完全都唔堅強, 今日又喊左一次..好掛住份工..
話哂係我黎左法國後第一份真正既工..仲一做做左一年零3個月..
好有歸屬感..突然又好似咩都冇哂...
又要由頭開始...
之後既路, 知道唔易走..
而家只有傷心同怕..

Fairyland Ante

最後都係魚與熊掌可兼得...XD

Rococo太可愛了~ FL既娃面孔係有一種特別既感覺..

當初小二都係唔中意佢太細..(Lati Yellow既太小已經係我既極限..)

關節又勁好...

Fullset比basic都係多90美元..

聖誕禮物就落實了.

累

唔好話買娃了..連網都少上, BLOG都少打..

只係勁大心FL既Ante....
不過..
貴呢..

PS3 同FL 之選..

我決定
放棄自己想要既..完成老公想要既..

累...

Audi

Aztec Arrival 到埗了~



盒子好Retro ^^ 其實佢都唔係太古董 (2002年出品)



腳架都特別D~~ Audi 個名有意思的, 指 "The last one"

幾時開盒係一個問題.. 放完大假了~ 又再搏殺!

近況

去完海邊玩返黎了~ 4日之中3日都有雨, 好在都有少少時間天晴.. 不過心情都唔太好.
而家感覺好黏家, 唔响自己屋企過夜總會有不安既感覺..
加上呢排又瞓唔好, 晚晚都發好奇怪既夢.

有時3-4點醒左, 因為個鼻敏感... 要走去上下網打下MMORPG, 分下神冇事先可以再瞓過..日日如是... 而家又開始日日狂打MMORPG既廦好..我覺得完全係No Life.. 好在只限於我放大假之時..因為返工既話完全冇時間同精力去做.

等緊3個娃, 一個到左, 一個呢個星期會到, 一個唔知... 我覺得我飽和了.. 而家收到娃娃都冇以前新手時既興奮.. 收到都係機械式的開盒CHECK下有冇問題, 著衫WIG, 拍拍拍幾張開盒..之後有時間先會再閒拍..娃娃比較似係收藏品多過玩具..

呢幾日會花多D時間煮飯~ 好似明日會煮牛脷飯同之後會煮蘿牛肉(西式的). 其實之前都煮過兩次..不過突然好想食.. 天氣再凍D既會煮羅宋湯~ Miam Miam~~

係咁先~!

出發~!

聽日出發去玩啦~! YAY!

立誓

我要同自己立誓:

入手Aztec之後.
唔會再買任何BL, EBL, SBL, EBL 既B囡.
(人地送可以吧..不過都唔會有人送!)

再買B之時, 是出新面模之時. (因為我儲模)

以此自我檢討, 忍耐.

2009 年
唔買娃, (不過可以賣)
讀書期間既金錢用作2010返香港,買車,買屋之用.
娃品可買, 不過要節制 (希望一個月唔用多過50美金)

係立定決心的!
講過既話唔可以再唔算數了.

敏敏羊

Meromero

MeroMero好唔掂..成日都入唔到去.!

努力埋佢.

次次返完4日放得一日假都累都咩咁...
好在仲有三日就放大假~ 差唔多成3星期...

之後搏殺埋1/2個10月,11月同1/2個12月...

(至少今年唔使返聖誕新年...)

又要搏殺10個月... 真係一個挑戰: 6個為期1個月既實習(6個唔同既地方)

見既人會多左, 要學既野會仲多...

不過我有D期待~ 學生既生活~!

程咬金

咩vampire,Byurl,Punk Cristin都冇買了~~

最後殺出既程咬金...


勁有個性, 可男可女, 至大心佢既Smoky Eyes...



買夠左450美元送多一個Elf Sleeping Kumi頭.. (其實考慮左好耐因為如果只係買我最想要既..都只係412.5....
不過而家叫比多37.5 多左個Mohair頭, 同一對翼... 同個頭.. 叫值呃~ )

橫掂都已經有Kumi (大Me),可以比個頭佢用..不過化妝自己黎Lu.....

因而咁我都破產了.
或者係好事~ 冇錢咩都唔使考慮~ XD
我要寫紙仔發誓今年.. 唔再買娃...

Jaime毒纏身

B都忍到..不過BJD好難啊...

Jaime今次出既special,都幾中呢~ 而且又有頭送.. (不過都係TUM我第日買多個身姐...)

細既出tan Punk版

大既出little Vampire




其實我比較中意彊屍版~ 一直都想生個Gothic既仔/女
細既吸引因為tan既男仔幾型~

睇中左佢地:

Little Vampire Winny

Punk Look Cristin


另外都有想過兔兔Lea既Order加個Yellow Basic,
一開始係想要Benny
不過而家又開始大心Byurl...
(有特別原因)


問老公意見..
係冇用既意見..
問完佢我都決定唔到買邊個定唔買..


價錢都係一個問題..
兔兔Lea已經去左一筆..
彊屍Winny 加埋郵都至少400
小PUNK 加郵都至少350
加Basic Byurl +wig+ 妝 (+combined郵)要加 280...

電話

又多一個理由唔買CO... 嘻
其實之前我係想過不如轉個Phone Plan (而家係比18歐一個月, 有時真係用剩好多時間..又冇得延去下一個月..好似好o徒咁..)

點知平既plan又要買個新電話...

想過不如唔好轉..
註: 我係用緊BenQ既hello Kitty 電話, 真係basic 過basic, 冇相機.. 真係只係用黎SMS同打電話...

點知老公突然話想換電話, 佢用緊既係HTC Touch

見有個Plan都係比18歐一個月, 個新電話(HTC touch diamond)只係129歐之後仲有50歐回饋... 平到爆, Plan錢又冇比多(只係..要被綁多兩年..都冇關係..都係要用電話姐..)



送比佢既7周年結婚紀念禮物就選定了~ 橫掂我又冇咩頭緒買咩比佢好..
(自己又想要咩呢.. 未決定..娃呃?)

佢個舊HTC Touch我可能會接收啦(可以24/24上MSN,嘻~)..
個Kitty電話點處置仲係考慮中... (唔用電話上MSN既話..Kitty電話好夠用..咁就會賣HTC Touch)

不過有樣唔好既係要轉電話號碼啦.. Keep唔到用開既..(其實都冇轉台!!可惜啊..因為個號碼都幾靚..)

忍啊..

CO真係好大引誘... 不過我要忍..我要停買B...

我見佢唔到..我見佢唔到..我見佢唔到..我見佢唔到..我見佢唔到..

妄想定行動?

我知完全唔可以100%可信, 又或者唔知可唔可以做到..

我真係好想停生娃娃....

(真係好想..不過..唔買娃好似冇左樂趣... 其實我係唔係應該要知足呢..)

身體健康了其他既唔應該介意太多...

Pullip已經做到了.. 又成功Avoid左9月P.. 不過11月宮廷呢.....?

Blythe 呢... 原本想Cousin Olivia會幾平下都會買既心態下, 而家因為生左Lati而打消念頭了... 10月既冇咩興趣..我想我應該由此做起..P女都可以了..B都應該可以...

BJD呢... YO既都已經夠多.. 大娃唔想再多... Lati都係兩個夠哂算.. 而且下下都幾貴...
要知足!知足啊...

賣唔出BWT既話索性唔賣吧.. 有時都覺太多Transaction都好煩...

法國Forum既人又成日呀之呀左.... 唔可以爽快一D嗎..

老人院2

婆婆琴日(星期四)正式入住老人院了. 11時入住.

佢個囡(奶奶)仲特別同佢一齊响個度食下午飯(當然係另收費, 不過唔太貴) 我地12點45分去到, 佢地剛剛食完飯~

我買左盤玫瑰花比佢, 至少可以裝潢一下房間. 其實都裝飾得8899, 多左好多相架,油畫(係佢過左身老公油的). 房間立即多了一D親切感.

下午一時房內已經有陽光入房~~

我地冇逗留好耐, 因為我1點30分要返工(其實只係佢樓下)

下午返工時, 我見有少少時間都會上去見佢一下.

下午5時30分上過一次, 佢好悶冇咩野做, 又唔太識人..

下午7時30分又上去一次, 佢已經換好睡衣, 等護士放佢上床... 我問佢, 佢話食得好好~

今日都係返下午, 都會如是去見一見佢呃..(奶奶要星期日先可以再黎)

lati 兔

我想我選定了...

唔知幾錢? (唔過400OK, 過既話我會入Basic.... Benny)

送既手手Sets好可愛呢~~

續Bonus

果然買一得二. 不過單單比兩個既稅都差唔多係買一個既價錢

算係得, 定係失?

Hold左成個月比人既兩個B (Cheque都一早寄左比我,不過要我一個月後先Bank),

最後都係果招失業, 有個仔要養, 好Down blah blah blah
想就咁算嗎? 我話哂等左成個月!

一係比番一Part訂金我, 一係我整臭你個名等你响Forum有一大個-VE.
最好當然交易成功.

唔係既話, 味當同呢兩個B太有緣.. Keep番之餘又開番個慶祝吧.

老人院

又黎呢個感覺... 日日都係返工, 放左工好累, 要瞓下.. 想玩娃都冇力..

今日破左晏覺既紀錄... 一向都係瞓兩三個鐘, 今日大昏迷左5個鐘 (晚上6點至11點)

飯都冇食. 瞓到仲發夢, 不過發咩夢唔記得了..

仲要做到12月尾啊.. 我想下年辛苦都係精神上, 唔係肉體上吧..?

---

琴日同老公既婆婆睇下老人院既情況.. 星期四佢會入住了.

一開始佢唔太開心, 不過我覺得佢係好無奈..

只從1.5個月前佢自己响屋企跌倒, 要住物療醫院後(仲瞓左1.5月床唔可以比腳用力)

佢知自己"暫時"唔再行得...當然唔可以返屋企自己一個人住..

所以一直唔想去老人院既佢, 而家只好無奈地接受...

佢個囡(我奶奶) 更加難受, 覺得好似放棄佢媽媽咁..

不過, 老人院總比物療醫院好, 至少比較似"生活"..

又有好多活動.. 琴日同佢介紹左唔同既活動, 佢都有興趣!

而且佢入住左之後, 仲會有另外一個老人家可以同佢玩Scrabble..

佢自己一個住既話, 我奶奶, 護士上門都唔可以24/24 7/7.....

老人院始終都24小時有人..

點都係最好既辦法..

佢會住既房係二樓, 兩個大windows, 森林景.. 下午仲有陽光照入..

真係唔錯呢..

我只係响佢樓下返工.. 而家點都唔會有藉口少睇佢吧.. (物療醫院我都係一個月探一次而已, 遠啊..)

而家睇下佢點啦.. 佢而家都只係覺得留係老人院既係暫時...

佢行得既話可以回家..

(不過, 實際未必係咁囉..)

唉, 真係唔想老..

Bonus?

奇怪啊... 收到兩個唔同既tracking Number, 兩個搭同一班機, 一齊到左法國..

會唔會JM攪錯D咩.. 無啦啦買一送一? XD

過兩日分曉...

娃吧..

好野~今朝終於收到JM既電郵, BWT 9月6日寄出了~ 而家响飛機上

不過, 我想都要兩三日先會收到..因為海關.

至少預計要20幾歐羅稅..(19.6%+document fee, 不過都平過人地EBAY BID..上一個誠惠168美元+Shipping)

而家都係125美元包左Shipping! 仲可以早D有~

Elfdoll既豬豬唔會再出了~ 以為今次豬豬著Alice裝會電中..點知套Alice 裝有點Cheap既樣子.

豬媽豬爸更不可入目...

Custom House 最後都唔打算入了.. 改娃等得既~

期待Lati 新圖. Jaime都 9月20日都出新野, 細既出Tanskin+punk Look, 大少少野出新頭..我比較期待little vampire winny..

到時先算吧..

9月26日放兩星期大假.. 不過之前做死左先..

BWT

無意中見EBAY有人有實物圖..

啊啊啊啊啊啊啊啊啊啊 太美了~ 好在有訂! 比稅都係咁話!!!!

我會唔捨得開架...






JM 應該寄出左了吧....

討好自己

最近買娃同娃品太多, 一直都好少買野比自己.
終於的起心肝, 錫娃之餘都要錫自己先得~





上個XMAS買左個細細熊貓手袋之後~ 對呢個牌子完全大心~(雖然佢地都有兔子同貓貓)
今次又買左另外兩款既熊貓袋
方形同長形的~




返學, 出街都得~!! YEAH


另外衣服都買左幾件, 不過特別既係呢款, 我好中意Hoodie 都日日會著..



(差唔多30歲人了仲著呢D款會唔會太過呢...)

XD

賤人

真係未試過咁憎恨一個人... 以下係鬧人Post, 如不喜看可Skip:

------

一直返工都係借奶奶既車用, 因為佢平日係留响屋企做老爺診所既接線生唔可以出去..

佢只係星期四要用車Shopping...

上星期5至星期日我都要返早. 所以我可以Keep佢架車幾日.

奶奶已經一早同我講, 可能佢個大仔會黎攞架車去用幾個鐘, 因為要幫朋友車部乾衣機...不過唔知邊日.

部車係細細部. 不過後座摺埋左係可以放勁多野都得...
上次佢都係因為某D事借左架車用, 仲用左成1/4油, 之後扮哂野冇入番油...

(借車比你, 用左油入番都好正常吧..唔係下下奉指...)

我冇反對, 我未話我放工後佢打個電話比我咁我可以比車匙佢...只係要佢當晚比番架車我第二朝返工就得..

我完全唔知佢邊日要用, 星期6我放左工因為要買D野, 同老公出左去..

返到黎成5點幾, 佢打黎, 話要車, 之後黎左攞.

當晚佢都還番比我第日返工..

點知... 第二日我出門口...見有D唔妥...

車入面既燈好似著住左...(心知不妙...)

坐上車, 開動...唔到..

原來個衰人冇關好個車尾箱.. 車入面既燈成晚著住..Empty哂車既電..

好嬲, 大叫"正衰人!!!!!!!!!!!!!!!!!!!!!!!!!!!!!!!!!!"

.. 之後飛奔返屋企响熟睡既老公求救..
當時係早上6點35分.. (可憐既老公)

好在我一直都早D出門口...老公立即用佢架車車我返工..

我同老公講, "唔該叫你大佬自己黎收拾, 車匙比番你呀媽."

真係嬲到喊左少少... (咁既人都有, 係唔係玩我先?)

當日下午都係老公接我放工. 老爺都响車入面,佢黎因為想攪番好架車. (當然都係要借用到我老公架車既電啦...)

老公之後同番我講, 老公自己都發哂脾氣同佢父母呻, 點知佢呀媽仲係幫住個大佬.

反而老爺企我地呢邊, 好嬲個大仔. 借架車都唔係自用, 而係去幫D豬朋狗友. 用完又冇手尾..

我而家決定唔想再同呢個人再有咩關係, 我都係想辦法快D買架車自用.. 當然到而家為止佢完全都冇Sorry 啦..

- 之前我地幫呢個衰人勁多, 佢住樓下時成日上黎借野, (廁紙, 油, 蛋....) 有咩碟想要又要我地Burn比佢, 想要Blank DVD又要我地一兩隻咁賣比佢(佢大可自己去超市買), 又想我老公做佢女朋友柴可夫司機... (原因完全唔係OK的...)
- 我同老公同時期生日, 佢地次次都冇送禮物比我(只係比我老公), 仲要次次都係Cheap野..佢女朋友未曾有一次有出過錢.. 女朋友生日反而要我地送野..
-用完公車(奶奶車)又唔入番油, 我笑笑口同佢講 "你上次用左1/4都冇入番喎", 佢只係衣衣哦哦話會入番, 最後當然冇啦..
-自己買左屋, 搬到鬼死咁遠. 返工唔方便, 日日中午飯去呀媽到痴餐, 買屋有大花園又係要指意父母去鏟草.
- 因為佢想要車我地又唔响屋企, 佢打電話比老爺(佢爸爸)發哂老脾話佢唔可以立即用車.. 老爺做錯D咩要比你鬧呀?
- 佢要車好似大哂咁, 要立即有, 只係打去我地家,又唔打我地打機, 唔通我日日响屋企等你咩? 佢自己有架跑車, 細到咩都裝唔到, 佢呀媽都叫佢換架正常D既車, 佢自己唔肯, 又要成日借人車.
-買屋亂簽字, 最後都係父母幫忙(錢), 自己一個仙都冇, 冇錢比稅又响呀媽求救, 下年佢要比房地產稅我睇佢點死..

衰口都要講: 呢個人正賤人. 聖誕節我會同佢地講我唔再交換禮物, 生日佢地都唔使送野比我, 我都唔會比禮物佢地. 唔使再煩.

無題

今日又痛過(腰)... 仲以為休息左一日會冇事..

仲要今日工作唔係太暢順..成日人都好煩躁...

快D完9月啦... 我要大假啊...

突然好有衝動想買Xiao Fan... 唔知點解.. 覺得佢幾靚..

又係要等, 等latidoll, 等Cousin Olivia.......

*爆笑*

日版既Mero學會左.. 放屁..

閃腰

唔知仲咩..琴日朝發現腰好痛, PATPAT對上左至右同埋左邊肋骨位成個部分..不過因為要返多一日先有一日休息, 所以都頂硬上, 一路做野一路痛, 有時痛到仲有想嘔既感覺(!)

晚上9點幾放左工都立即O拍兩粒止痛藥乖乖上床休息

今日一起身以為好少少...點知下午又開始痛...

我仲有排先有大假放..再係咁落去我真係要去睇醫生...

痛..哎

人生大計

同一個剛結婚既同事講起, 佢想短期之內買地起屋.. 於是突然又令我想起自己既人生大計..

1. 下年1月入學, 儲錢(見2).

2.課程差唔多完既時候..(大約下年7-8月吧) 買架幾新既二手車, 約4000歐羅, 至少夠用幾年返工, 之後再換新車仔.

3. 希望畢業立即搵到工, 可以立即攞2010年頭大假 (見4)

4. 2010年頭大假返香港+去日本(如果經濟許可既話)

5. 開始儲本買間屋仔, 至少三房, 細花園+泊到兩架車. (再唔係, 租)

6. 之後旅行目標: 北京, 希臘, 美國東至西岸

7. 有錢既話會領養一個小朋友(唔打算生...而且..到時候我都太老了)

好似好好計劃咁, 其實我真係覺得好煩, 咩都要諗咩都要打算,

其實人生有幾多年...? 人生真係要買屋嗎? 人生真係要生小朋友嗎?

有時我想過我唔存在或者會更好, 至少比家人少左激心, 少左煩惱.

又一雜記

我想我唔會買MSR了.. 見了實物盒圖完全冇哂意欲..連唔開盒都係咁話..況且都應該會買9月P同LATI吧..

妮妮將會出嫁, 不過反而冇覺得點.. 我想LATI YELLOW都係一個起兩個止吧..冇YOSD SIZE咁強意欲.

兔兔唔中意既話最多買個BASIC.. 我好有興趣要個YELLOW新BODY, 仲有手送, 仲想點..

2009年Blythe Schedule都到了, HLJ真係好快..寄SAL都係12日到.. 估到我買咩封面嗎...

係HoM; 呵呵~

仲未有時間同精力拆SDME... (係會拆的!!!) 我想呢排真係做到隻野咁..返屋企都狂瞓..放親休息都係得一日.. 兩日以上先叫休到息... 仲可以做下屋企野...

最近睇左Meet Dave, 真係比我預期中好, 好多笑位.. Eddie Murphy真係好正~多多表情.

娃.

今次非入Benny不可..另外可能買番個Lea ...
(因為成功賣左tanned Lea了)

後悔嗎..? 不. 因為唔太中意Tanned Skin;
想趁佢變黃什麼前賣出.

另外, 都gain番少少.

新入既Petite Ai 應該呢兩日到了. 仲未有衫比佢.Orz

扯火

天唔天真左D呀..

一早講明唔比Reserve (因為太多人話買, 之後Hold左好耐最後都係唔買..)

除非係比左訂, 最後唔買既話訂金入我袋.

(係呀, 我係拜金主義架, 我Finance出身的)

First pay first served.

條件係我出既, 唔同意味唔好買. 唔好同我講咩forum係大家庭互相信任既道理(係天真)

佢同我買過兩個娃, 之前已經之之左左.. 好在最後都係交易成功

而家又想同我買, 不過要月尾先比錢.

佢咩訂都冇比, 即係我仲有權買比第二個啦.

而家第二個人想買, 仲可以立即比錢, 我當然賣比人地,

佢而家發爛炸話我反口.. 正白痴

仲係細路女咩.. 話係你既就係你既咩.

都唔知佢點做教師 唔怪之得法國而家D細路惡死都咩咁, 冇家教,
大個D既青少年已經犯案..

因為, 教師已經係咁, 學生都唔會好得去邊

見到咁. 仲有咩意欲去生!

我知呢排係是非多, 不過我都唔係幾好心情, 真係扯起把火.

休息

原本既Planning:
14/08 (Thur) 下午更
15/08 (Fri) 下午更
16/08 (Sat) 下午更
17/08 (Sun) 下午更
18/08 (Mon)Day off
19/08 (Tue) 早更 (今日)
20/08 (Wed) 早更
21/08 (Thur) 早更
22/08 (Fri) 早更
23/08 (Sat) Day off
24/08 (Sun) Day off

呢份工做4日已經係好累.. 我仲要兩次做4日中間得一日休息..
一日休息得去邊.. 仲要星期日下午更我係收晚上9點15分, 星期二早上返7點

今日返到去, 因為有D誤會, 我地太多人手..(唔關我事..)
Planning出問題既同事唔想走, 因為住得遠..

我於是提議我今日星期二休息, 轉返星期6
一致通過~~ (一向星期6都唔夠人做..而家多左我一個佢地仲開心)

咁我今日就放多一日了~~ 我都好happy ^o^

我琴晚仲失眠, 瞓得4個鐘..
不過而家又唔想瞓.. 死未...

無題

又黎空虛感... *灰*

好累. (日日放工好似比人打斷左手腳咁)

想玩娃都冇力.

喊了.

為咩? 為咩?

又一Dispute

7月30日上DOA買左條MSD裙..立即比埋錢.

同我話佢收到錢了會好快寄~

之後一直都冇同我Contact (疑點1)

Poland 同France 都係歐洲姐...至多味一星期..比佢10日又點話..

8月15日見仲未收到..味PM佢喔 (幾時寄左? 正常要幾多日到?).. 冇回.. (疑點2)

可能DOA 個PM神神地.. 再PM (今次要埋Read Confirmation)

佢好快回左.. (好神奇地快) (疑點3)
"Hi!Sorry for my late reply! I've send the dress some time ago (not as quick as I though I will, but it's my fault, I'm very sorry!), so you should get it soon!
kisses,
XXX"

好啦,,咁我話等下啦...
8月18日都完啦..仲未收到... 成19日... 於是去PP開左Dispute

佢之後PM我話 :

just saw you hold up your payment for the dress I've already shipped and noticed you about it.
(喂好似係要我PM你先知你寄左喎...你都好似冇正面答我邊日寄左, 要幾多日?) (疑點4)

I'm not good at paypal functions and I really don't know what it's all about and what to do with it... I said I'm sorry for the late shipping, but I had some problems in my personal life. (邊個冇Problem in personal life先架..? 咁唔得閒賣咩鬼裙姐!)


I don't know what it's all about because as you probably already seen I have a 100% positive feedback and no one ever complained about the dresses or the shipping...It's the first time someone does something like that and well... that just makes me sad. (你估我比左錢又收唔到裙唔SAD咩???)

I hope you will like the dress anyway when it arrives safely to your home. (當然啦, 我仲會Cancel番個Dispute啦, 如果你真係有寄既話)

我仲未公開比佢Feedback; 已經發哂茅... (疑點5)

真係咁都得..

深淵

話唔生唔生, 點知想要既娃排到年尾...
以下既係已經Pre order左的

8月 - Blythe Miss Sally Rice

已有MRM, 更想有埋佢朋友仔...而且, 係第一個B有改良左既腳..係RBL, 係特別髮色..
好奇心之下, 價位OK之下.. 忍唔住都想入手...
PS> Junie Moon網上店而家肯寄歐洲了~真係一大喜訊~~

9月 - Blythe Bow Wow Trad

最後都上JM 預訂左.. 因為.. 太似NF XD 老公都覺得佢好過MSR喎..

9月1日Ship 得真係好吸引呢~~(原本要9月尾正式release)

比稅就比稅啦..

咁 MSR我睇下到時買唔買啦.. 況且HLJ訂左唔代表會有..

窮爆啊..

Blythe Cousin Olivia

似愛麗斯, 價格*比較*便宜, 入得過開黎玩.. (不過可能到時又唔捨得開..) 因為.. CuCu已經係咁..
SDMe開既話, 呢個都應該唔會開了


9月 - Pullip Cinciallegra

一見佢Flyer已經中意左佢~~ 7月P Preorder我已經冇fulfill..9月又飛起人地既話我怕比人入Blacklist就真係阿彌陀佛.... (話哂佢都係做我地外國客,價格又OK, 信譽又好既店..)


11月 Pullip Marianne

必入之選!!!!
見佢130美金Preorder 便立即訂左.. 仲可以11月頭先比全數, 仲想點?
考慮入唔入埋佢個男伴比佢..
不過PxxxxSxxx賣11月TY比較貴.. (有咩奶由都係130美金先... Ebay賣平D喎..)
男既唔會一下子斷貨吧..可以睇定D先~

同老公傾計, 我自己狂呻自己花極多錢响娃娃身上...Wants are unlimited...云云
佢同我話 : "咁味好~ 你有既係Passion"
我問, "咁唔係Passion係咩?"
佢話, "係loisir (Hobby)"
兩者有咩分別.. ??????

於是去搵解釋

Hobby 係 Hobbies are practiced for interest and enjoyment, rather than financial reward, personal fulfillment is the aim, an auxiliary activity

Passion 係 strong feeling or emotion, something that is desired intensely, an irrational but irresistible motive for a belief or action

咁睇好似Passion係比Hobby高一層次.. 唔好聽D講..係走火入魔既階段... XD
咁睇法我都係Passion一類多...

V手

開心到震~~終於買到V手~~ 好野~~~!!

最後勝利

太緊張了.. 好耐冇BID 過野..

老公教路..

最後...

嬴左~

反口?

最後都係生左娃.. 不過.. 因為賣左兩個先生呢個..咁算唔算反口?
至少.. 我冇用多到錢, 只係少二得一+一堆娃衫.. 我覺得幾好~ 嘻~

(其實係賣左個Puki 同 ZuzuDelf)

而家都想想地賣埋Lati Green, 雖然都算係YO既Size, 不過如果你對比起, Lati Green真係肥大好多..
唔太易買衫..

Yuki兩套衫衫到左, 如果啱Green著, 咁我Keep 番啦... 我都預左多多幫襯佢架啦~ 衫衫都幾啱口味, 價錢又OK.

因為少左唔同高度既娃.. 基本上而家只買YoSD 同1/4既衫衫..

(BisouAi 都可能會賣吧.. 不過有人要先算啦..而家佢都係著番Fullset既Outfit, 我覺得佢好萌啊..)

惱續..

最後死左响2號仔手上. (因為佢, 夠特別, 似日本BB)

唔好問我花左幾多錢, 哈哈~

我係比呢張電中的~

惱...

三選一...

如果唔睇價錢, 我想入 3

如果睇價錢.. 唔太想入 2 同3

可愛既話..係 1 同2

(我中意3有時個樣幾奸仔)

2同3係可預不可求...

怨念接番Roko好耐..不過又想玩個 YoSD...

*惱*

反口?

答應過自己今年暫時停生娃娃.. 不過仲係好怨念BambiCrony 既Roko
呢幾日仲日日上BC網呆望住佢..

什至想: 如果我單買Roko頭 (之後同大ME用同一個身), 咁算唔算反口呢..???? (頭唔算係一個娃呃..*笑*)

今日幾乎落左柯打..
最後都係同自己講, 算吧, 因為BC而家冇EVENT!!!

(其實想訂都係因為睇中左套Anotherspace既衫衫.. 覺得買埋娃會分平左D郵資..)

終是.. 衫衫直接上AS訂了.. 訂左兩套(一套裙一套褲)...好貴..不過好可愛.....

自笑: 買衫比自己都冇咁豪...

仲要買埋鞋子..

買假髮只好等下個月了..

回想當年(2): 第2個Pullip

好記得, 有左Taya之後一發不可收拾.. 開始日日上英文同法文既娃娃Forum.


好記得我買Taya 時係出到Cornice/Raphia, 云云Pullip之中, 有一個P係我既Grail Pullip


佢就係- Fantasia


完全係完美..不過因為佢太靚既關係.. 開始比較難搵, 而且貴....


有位法國娃友同我响LJ刊登左一篇徵求Fantasia 的, 出價180美元. (其實都算高..比起香港當時市價..) 不過~我係有心要擁有既野, 我係會寧願比多少少錢, 可以立即擁有既人.


所以刊登冇耐. 有個USA既女仔搵我~ 佢好好人, 只係收我10蚊美金郵資(當時大約係15-16美元吧..) 另外冇Extra Paypal fee.




傾好了先同老公傾.. 今次數目唔細.. 不過老公知我中意個娃, 都同意左.


我收到個娃前都仲係好心UP.. 花咁多錢.


不過一收到個娃時~ 完全覺得係值~~ 佢真係太靚.. 叫佢Alicia



(當時一收到立即開盒, 唔似而家, 10個有10個P唔開..)


雖然, 佢係有少少factory defect.....


後來仲一直放左出黎Display, 不過完全冇玩過佢, 更加冇同佢換衫.. 佢咁樣已經係好完美..


(有時想..咁樣係唔係好浪費?)


而家佢放番入盒了..不過, 我總係覺得開左盒既娃同NRFB係好大分別, 好似, 開左盒既, 就算放番入盒都唔會再變番完美..


(之所以而家我好多娃都唔開盒.. 想做完美收藏家嗎..)


我唔會想賣左佢, 因為我知如果我賣左佢, 會好難買得番..


我想..佢只會一直咁樣... 陪我老去.. 直到我離開為止.

大執櫃前一影..

重要決定

1. 完全停生Pullip (心意已決, 因為已經完全唔玩P, 買左一個二個唔開盒真係冇咩意思, 最想要既P都已經擁有)

2. 暫時停生Blythe (最後入手Cucu, 基本上都算係完成心願) 新B入手可能, 不過我Promise 08年唔再生.

3. 無限期停生BJD (12隻心感好夠玩, 咩Size都有.. 過幾年可能有1/3電中既話, 不排除會生個, 不過而家冇咩需求, 如上:2008年唔再生)

娃品仲係會買, 不過一直我花响娃品既錢唔係太多.

下年做番學生(收入少好多好多), 而且我要儲錢買屋了.

一直都有憧憬, 只要一間小屋(都可以有3間房, 一個小花園夏天可以BBQ, 曬曬太陽)

雖然唔係呢一兩年既事, 不過3-4年到都應該要實行..

而家唔開始打算既話可能我到40歲都冇自己物業呢~

想買屋都係為左有間房可以放娃, 影相呢~ 努力~!

回想當年(1): 第一個Pullip

其實當年係點開始玩娃既呢...?

我一直都有用開Yahoo Blog, 記得有一日無意中去左一個女仔既Blog:

佢就係Hisa.

响佢個Blog有好多佢囡囡既相..

當時我立即被吸引住了.. 一個娃娃點可以咁似真人. 成個小model 咁??

於是去搵下資料, 知道原來係Pullip

响法國我冇咩野做..(當時又失業..)

想要一個Pullip玩下~

Search到法國有間online Shop有賣..

不過款式唔多, 當中我只中意ChinaChina

之後發現左Pullip Style, 佢有好多款, 包左郵都係同法國既差唔多.

勁中意 Greggia, 都係因為佢係羊~~

好記得當年係74.95美金, 郵資都係大概14美元..

雖然比起我而家買娃既花費, 當年真係小毛見大毛..

不過買之前當然都係問下老公先~(始終係佢比錢)

收到後, 開心到不得了~

Pullip比我想像中大好多~~ 頭更加想像唔到既大~~

不過, 真係好可愛~好靚~ 立即開黎玩了~~ 叫左佢做Taya

係2006年1月23日,

開始時影既相完全唔得... 慢慢見得人地既多, 自己都學左唔少野..

所以, Taya 就係我人生第一個Pullip

從此就跌入左呢個深坑~

BJD

人多細眾..

我真係要收下手...

新BLOG開張啦~!

見自己一直都有Google户口..不如開個Blog吧..
雖然仲未知有咩用途...