羊二棧

婚訊

2010-03-03T01:55:00.000-08:00

好開心妹妹都傳出婚訊了~!

而家真係要Plan到2013年..買屋..

快樂時光

2010-02-22T02:47:00.000-08:00

快樂時光真係過得快..

希望好快又下一年新年..

返香港!

VW again²

2010-02-10T12:11:00.000-08:00

可愛爆~~ at 210 pounds

Cost of buying this bag : Giving up Tarts & Tea

大假

2010-02-08T06:30:00.000-08:00

好野~放假了~ 到3月~!

心情好多了~身體都唔再擔心~!

希望好事陸續有來!

VW again

2010-02-05T06:15:00.000-08:00

Wow this is my first brandy handbag... at affordable price!!

Although its 2009 Autumn/winter collection, I dont care!!

Super Happy!!

Because I dont think I'll spend more than 300 pounds on a bag...

(But I have spend more than that on a Blythe...why not a bag?)

And now, only 124 pounds shipping included..!!

Vivienne Westwood

2010-01-31T11:32:00.000-08:00

Like this brand..

Grabbed a bracelet as its 50% off..

only 50 pounds with shipping

Looking forward to shop more in Lafayette Paris at Chinese New year

嗚

2010-01-25T02:40:00.001-08:00

唔該唔好再落雪啦... 嗚

努力

2010-01-20T12:18:00.000-08:00

仲有兩星期多..可以放一下假.

努力!

痛

2010-01-16T01:56:00.000-08:00

最近身體四肢異常地痛..

要食止痛藥..

係真係生理上有問題

定係心理都有影響?

哎..

2010-01-12T10:35:00.000-08:00

哎..可能到最後都係留番响度做..

真係提唔起精神

身心又痛又累

日日都想Sick Leave
又怕下雪路滑返工一去不返

又或者滯留工作地點返唔到屋企..

UGG Australia Boots

2010-01-08T06:59:00.001-08:00

友人介紹..去左UGG Australia網睇下冬天Boots..

一去就睇中左幾對..

況且仲會凍一排..都仲可以狂著

最後敗左一對雪地同防水試下先~

去EBAY見好多假野..

最後都係去Official retailer買.

我想係我暫時人生中最貴既一對鞋...

上年Xmas送左對Caterpillar 比老公.

都幾貴..不過之後見好就真係覺得值既.

而且都會再買.

Converse

2010-01-03T05:58:00.001-08:00

人生既第三對Converse..

VL

2010-01-01T00:26:00.000-08:00

琴日12月31日收到了二手VL...開心到震!!!

心想真係執到寶.. 1600蚊..

VL真係好似新咁..除左換左對眼片同眼睫毛, 加左睡眼...

全新EBAY要成2800..真係買唔落手.

放左工返屋企只係檢查左冇野

之後又要出街.. 都未真正去影下相..

名字呢..我想叫佢做Nolwenn

辛苦

2009-12-28T01:24:00.000-08:00

有D野好睇唔過眼..對待老人家手法..

辛苦到原本想7日通知辭工..

不過想想下都係做埋呢個月先..為錢份上. 為名氣份上(好來好去)

而且完左之後家人又會黎法國玩..

到時玩完先再搵過份.

2009-12-22T03:58:00.000-08:00

自12月17日因為下大雪發生了小交通意外後..好似經歷左一次死裡逃生咁..

又發現份工真係好差. 好辛苦. 琴日無啦啦又比一個同事話..

我想我做到2月頭約完左後..放兩星期假..之後再搵過一份近D..

成功入手左Ice Rune (雖然JP訂貴少少..不過EMS..) 又入左一個YNH改娃..

之後又算好價入左二手VL (Fullset啊..)

都算係一個好好既2009年完結.

STOP!

2009-12-15T06:24:00.000-08:00

狂買野過後發現儲蓄到達新低點時..

真係叫自己

"好啦唔好再買野了"

好奇怪好冇聖誕節Feel

可能2009真係過得太太快..

壓力

2009-12-11T08:29:00.000-08:00

雖然已經搵到工仲返左兩日, 不過只係兩個月合約, 之後請唔請都係未知之數.

感覺好大壓力, 而且而家返工都要駕20-25分鐘高速公路..

(不嬲都唔中意駕車..有左自己車係好少少, 至少..可以搵遠少少既工)

因為咁..又開始狂買野舒緩壓力..

其實好唔應該..

Panda Hat

2009-12-05T09:03:00.000-08:00

可愛既帽子+頸巾 *大心大心*

求職信

2009-11-16T10:48:00.000-08:00

好鬼古板既國家..求職信係要手寫的...

好在都未至於CV都要手寫 XD~~

娃

2009-11-11T14:19:00.000-08:00

今年年尾又去換一下髮型..想剪番齊陰..有點似Cute & Curious個種.. XD

想Pre-Order Blythe Ice Rune難過登天..想入London又唔忍心比2000幾..
(International Lottery好似仲未開始喎...)

又想等Paris出..

之後又入左Mama Chapp坑..其實吸引左好耐....只係一直都覺得要去Y!J Bid好煩.
今次好有決心, 只係因為係Alice!!!!!
希望只此一個..冇下一次..
入一個都唔易,唉..

成功!

2009-10-27T01:01:00.000-07:00

卡卡卡~ 25/30~~ 對得住自己~ 呢年黎既努力終於有所確定!!

星期四, Disneyland Paris Halloween, Here I come!!!

一身輕

2009-10-17T02:36:00.000-07:00

好開心~ 原本叫苦連天既精神病院Internship以20/20Perfect既分結束之餘, 當中考護士資格既實習試都好順利完成, 雖然成績要等到星期一先由學校公佈, 不過多多少少都收到風係 - Very good.所以我想我可以完成我當護士既夢想了. 感覺好奇妙,唔太似真咁.

當日考完試,成個人散左咁. 加上當日早上勁凍, 當晚就感冒了.

今日星期6同日都只會好好休息~

星期一Confirm左成績後就會訂去Disneyland Halloween既門票了~! (我應承左自己考到就會去!)

大褸

2009-09-30T11:31:00.000-07:00

原本想去買大減價貨品..(床舖同Blu-Ray)
點知最後買左件完全冇減價既大褸...
女人.. 真係難捉摸

花費

2009-09-28T09:14:00.000-07:00

嘩,一計之下, 原來由8月尾至9月尾既今日 - 一個月,

我已經花左2600HKD買衫.. (未計鞋手袋護膚品..)

不過計起都平過以前個個月買娃既日子..

計畫

2009-09-10T19:26:00.000-07:00

成熟了?心態改變? 而家因為種種事冇以前咁多時間同精力去玩娃同影相..

買左車之後當然要養車(雖然入油唔係好多, 架車都好慳油,不過保險一個月多比4舊水..)

另外自己都買多左衫褲鞋襪手袋咁...

而家既目標係自己既屋~!! 我想要我既睡房有獨立浴室(+三角形浴缸)同Dressing!

另外兩至三間房(其中一間BB房). 老公既辦公室,開放式廚房,等~

好開心計畫都慢慢實現..

Lati一記

2009-08-15T15:44:00.000-07:00

N月前Lati未再開賣之前..訂左一個Yellow小王子款既Wig同一對小黑Boots

(其實想要Wig多..Boots只係因為為EMS..感覺平少少..)

比左錢一星期都唔見佢寄出, 一問之下原來個WIG冇哂貨.

有冇攪錯..我訂時係有的.

於是要佢回水..完全覺得佢係DUP我時間..

Msg次數:

1. 幾時Ship我Order (lati回: 唔好意思個WIG冇貨了)

2. 咁幾時有番 (Lati回:要等多一星期)

3. 我想要 refund (Lati回: Partial定Full refund)

註:好白痴, 我200%想要既WIG都冇了, 仲想我買對boots?!!

4. 我要FULL Refund (Lati回: OK)

等左幾日, 都冇回水.

5. 唔該快D回水由我落Order比左錢已經快兩星期了. (Lati回:唔好意思我地會好快處理)

終於第二日收到Refund

以為告一段落..

8月頭收到Lati Email話我Order 寄出了..

(唔係化?)

係真的..白白唔洗錢多左個Lati Wig同Boots...

唔係有心呃佢. 不過唔洗指意我會寄番番去.

-完-

Lati Yellow Byurl

2009-07-16T22:08:00.000-07:00

我不太相信我居然可以忍手到而家都未買Lati Yellow Byurl...

我想今次都係唔會買既多了..

明天出發旅行, 返黎時我想Lati都已經Close order了吧.

XD 應該開心. 不過比比又變番我既一個Lati Yellow獨子.

Dal Tinker Bell

2009-07-14T09:28:00.000-07:00

嘩~ 又黎..個頭話今年都唔買娃就好..之後又去預訂左Dal Tinker Bell

因為..實在太可愛~太Tinker Bell了~ 大家都知TB係幾唔中意 Wendy (佢係中意Peter Pan的~)

不過因為要對番Pullip同Dal既敵人關係..先話佢唔中意Peter Pan

Dal既臭串樣真係10個拍手~~

Peter Pan反而冇咩感覺..

船長都好有趣不過我想我會買Taeyang之日係佢會出Jack Sparrow之時..

點都好~ 訂左先~未使比錢住都仲可以變心..

大計劃

2009-07-08T09:03:00.000-07:00

勁忍勁忍勁忍..好想入Byurl!! 不過又因為買左35th anniversary Monchhichi set而有點節制!!

最近都因為大減價而狂買左好多衫同鞋襪.

娃品..娃娃(除左個Set Monchhichi啦) 都冇買到!!

我想如果今年內都唔買既話我想我可以絕緣了~都係好事..

因為覺得而家人生好多計劃.. 好多野比娃娃重要..

上左FB搵番好多中學時既同學.. 好多都結左婚仲有埋細路...突然覺得好奇妙...(!!)

自己真係老啦..要做應該要做既事..到左40想生都生唔到就慘..

好似我老公Uncle個老婆味係咁..當時為事業..而家想生, 太老啦..試極都唔得

係個女問題..男既之前妻已生左3個...咁而家想點..?

計劃係下個月買車, 年尾畢業, 出年有野做, 開始攪生B既野..2011-2012生..2013-2014買屋..

好多野好多野!! 不過比到我動力!!

娃淵

2009-06-25T22:52:00.001-07:00

我想我暫時脫離左娃淵...

23/6 敗家紀錄

2009-06-22T22:24:00.000-07:00

買多左兩樣野..

我真係要熄電腦..

打扮

2009-06-20T04:07:00.000-07:00

嘩哈哈~黑色小帽子到了~立即戴上一試..出奇地OK~

裙子賣家都做好寄出了~ 又買了黑色指甲油..

最近上法國某大化妝品店既網發現左好方便化眼妝既.... 眼妝貼!!!

其實係一對Patch狀既東東..上面有三層唔同顏色既眼影..好似彩虹咁.
用法係將Patch貼上眼.壓4秒..放開之後眼妝就上了~! 之後自己再掃幾下等D色Mix得自然一些..

唔係係唔係真係咁神奇..不過真係幾方便..上一次自己化Smoky Eyes都幾多工夫.. XD

最近驚見自己真係花左唔少銀兩..唔通因為知道自己年介30...要真正打扮一下..遲下再老D真係扮咩都唔得?

心心鞋

2009-06-16T08:00:00.000-07:00

入手~!!
我真係要忍手..到下個月..XD

Lolita

2009-06-13T23:38:00.000-07:00

因為有Japan Expo同生日Party既關係..(我今年都30了..唉)
想試一下Cosplay
於是買左條裙同小帽子..(都買左黑色)

睇下效果會點~
而家30都唔試既話..唔通40先黎Gothic Lolita咩..
好在我個樣都仲幾後生~(好多人都覺得我只有20出頭)

況且裙子都唔係好誇張既款~ 真係平時出街去婚禮都OK~

另外好想要呢兩條~!!

佢

2009-06-11T08:37:00.000-07:00

有個人, 有一段長時間我幾乎忘記左佢既存在... 突然出現番...百感交集.. 我唔想再想起佢, 以後既日子都係..

Blythe

2009-06-08T05:49:00.000-07:00

法國Forum有人賣2手MLC全套1300大元..平過Ebay新既好多..

不過見佢頭髮好似剪過陰又唔齊..最後都冇買.

想起買隻Limited 既LJM都只係1500-1600蚊..真係唔太捨得追舊娃了..

而家連CaCh都1300-1400...

Byurl

2009-06-02T10:51:00.000-07:00

好野~有人肯出錢助養Byurl!!!!

唔知Lati 幾時會開番呢~!

Buy!

2009-06-01T05:05:00.000-07:00

I want to buy dolls!

- Lati Yellow Byurl
- Lati Yellow Cookie
- Fairyland PukiFee Bonnie
- Fairyland MNF Miyu
- Luts Kid Delf Mill
- Luts Delf Miyu
- Dollmore Chami

How long i can resist..

Lati BB

2009-05-30T22:31:00.000-07:00

因為得番一粒LATI BB..比比.

而家又開始錫到佢燶.. 不停買野比佢.

好在我點都唔會想賣左佢.. 雖然佢都開始老化..(2006)

不過, 又好想要個Byurl做細佬/妹~

娃口

2009-05-24T22:16:00.000-07:00

除左要忍手唔再買BJD之時..另外都減了一點娃口..
兩只動物都搵左好人家.. 另外係兔兔LEA...
我想都唔錯了..

Le Jardin de Maman

2009-05-22T23:32:00.000-07:00

不妨試下.. 中左先算..

PukiFee

2009-05-15T12:51:00.000-07:00

好大既誘惑.. PukiFee勁可愛~仲可以著Lati Yellow既衫衫..

Fullset比較貴D..我想我買既話會買Basic;況且而家買有Sleeping Face+Wings送..

猶豫响 Zoe, Ante 同 Bonnie 之間...

公仔公仔

2009-05-07T13:46:00.000-07:00

絕望啦..Wings 今日星期四都仲未SCAN到左巴黎機場, 之後星期五又係紅日... 星期六先SCAN既話最快都要星期一或星期二先會到..仲望可以趁放假玩..

琴日終於的起心肝攪好左個粉紅MOHAIR, 第一次縫髮其實都唔太難咁..不過因為仲未打理好未知最後既成果會否OK.. 而家要攪眼片...我想好快可以完成..

至於FRFR一直都未攪..因為想同佢換眼片+全開眼..多D野攪又冇咩心機..

唔想買BJD一排, 點知今日又比佢攪到心郁郁..

Domadoll新出既Tiny BB, 賣點係..佢個Alien頭係 MP3 Player

講真我唔在乎佢MP3, 我有Ipod Nano 同米奇Player

只係覺得佢好可愛~ B Set冇MP3 包妝眼WIG同EMS, 200美元有找.. 少有..

(不過剛買左Wings同Tezca我想老公都係Say No 既多.....)

另外我更想要Dal Jolie (因為髮型, 似Leia公主, 兩片提子包髮型...)

真係想擁有佢之後要佢Cos Leia....XD

Dal Tezca

2009-05-06T09:12:00.000-07:00

咩都飽和哂..Pullip, Blythe, BJD.. 連Hujoo都玩左一份..不過仲未入到J-Doll, Momoko, Ai, Mini Blythe 個D坑 XD

Drta唔知仲咩, 都係唔捨得開..轉下買左Tezca (Pullip Style Last Tezca for the moment)

見佢真係好靚~有性格. (主要係因為佢髮型)
不過老公點都話要當生日禮物..6月尾7月先開..到時可能冇左開既念頭..

另外想買個21cm obitsu比佢, 男又得, 女又OK..其實都冇咩大分別(只係胸部突少少)
PS 買左女身~價錢唔差太多..

不過換身好似好煩.. 又要除Wig..可唔可以唔除Wig換身架..??

Hujoo望呢個星期6前到吧..今日先寄出.. TAT

墨西哥流感

2009-05-01T23:37:00.000-07:00

班上提到墨西哥流感. 有位同學好怕,會傳得好勁..我極同意, 呢D野點都係小心D好, 唔係感染左先黎呻...

不過班上99.5%人都覺得小題大做..仲大笑..唔食豬味得!!

膚淺的法國人..

奶奶都係, 而家見到佢, 我火都黎. 佢5月去秘魯, 話哂都係南美, 點都好大風險.
而家Alert升到5級, 6級既話會封鎖機場

點知佢話: 唔怕既. 點都會去. 希望唔好取消行程吧..
我地話怕咩取消, 點都會有refund
點知佢係因為佢勁想去秘魯好耐.

為左想去秘魯好耐連命仔都可以唔理既人真係難得一見..
不過, 佢有命返黎都唔好指意我同佢錫面. 同埋佢返黎一星期都唔會見佢住.

老爺貴為醫生,可能會多點遠見,不過暫時未問到佢點睇..

自己而家都算1/2個Professional, 立即買左一堆洗手液同口罩,
一見大爆發會入多幾盒口罩..好在今個實習唔係醫院..

睇得天災片多..不過老公話人類比Virus滅絕既機會多過什麼殞石撞地球...

PSU

2009-04-24T20:45:00.000-07:00

之前Gamecube既Phantasy Star Online已經令我玩到日夜顛倒..

之後出左Phantasy Star Universe, 當時未有Xbox360, 只好玩PC版

Quit左都有一排.. 突然又想玩番..(想試下Xbox版)

之後見有PSP版出左..仲要係近期..(4月)

選擇PSP版了~~(最近愛上我部PSP因為狂玩LocoRoco2同Patapon2)

450蚊.....

玩XBOX版個Game只係150蚊..不過要比XboxLive月費, 而家PSP唔使~!

問題

2009-04-22T02:15:00.000-07:00

仲有3日實習..好辛苦...日日都怕比人話...(琴日返早既同學不斷比一位護士狂問問題, 係好Aggressive個種..唔識好似係死罪..)

我地只係學生, 唔係咩都識. 唔識有咩出奇? 實習都係為左學野..

想起我都比呢位護士攻擊過.. 我有個字唔知係咩, 去問佢(因為都有關準備一個將要去手術室既病人..)

佢一野問我: 咩你响學校冇學過呢個字咩? (我打左個突)

學左都唔使問你啦!! 我未話我未見過喎, 之後佢先解釋比我知.

而家都醒左, D字唔識立即查左字典先, 再唔明先會問..

又話冇問題係Stupid既..(咁唔該你地答人都好聲氣少少啦..)

唔問野又怕佢地話你唔在乎冇好奇心唔想學野冇Motivation..

死未..

Pullip

2009-04-20T02:59:00.001-07:00

估唔到法國呢邊都係玩P既人多過玩B既..
可能係P比較便宜吧...

自己都冇玩P好耐..賣左MyMelody同Hello Kitty後只係得番8個P (其中3個開左); 1個Dal
其實一直都想入Marianne 同 Cinciallegra, 不過唔開盒又覺得冇咩謂..

原本見Wlyhidy Ebay上賣Marianne價錢可口, 仲係free Shipping, 點知一野問佢可唔可以寫Gift姐..之後見佢加左USD20! 當然最後唔買!

Aubrena

2009-04-19T13:21:00.001-07:00

我決定暫時唔買BJD (P都戎左好耐~成功~!)

不過B真係唔得..
唔捨得改Haha之際, 終於買多左個Aubrena黎改..(見價錢出奇地OK..)
比Willow仲平..Aubrena係白SKIN..改粉紅B會可愛D.

手頭上而家3個B要改... 5月頭放假一定要努力先得..

DayDream finished

2009-04-13T07:10:00.000-07:00

Back to Reality..

Wishlist??

2009-04-13T07:05:00.000-07:00

最近比呢幾個娃電中..

Leeke-D Type - Bijou
-喜歡佢毫不在乎既樣子..

FairyLand Chiwoo Girl (Flower Fairy) Set
- Chiwoo 出男仔SET時已經電中左..不過又唔想要太多仔仔(已經有兩位)
始終女仔著衫著數D(?) 不過Fullset價錢真係好和味...

FairyLand Minifee Miyu
- MNF 之中只係中意佢一個..不過因為價錢仲係心大心細

DollMore Eve- Chami
- 60Cm既大娃一直都唔敢買..心儀佢比較亞洲人既口面..

Souldoll Star
- 都係60cm, 不過貴Dollmore好多..好日本女仔Feel

實習

2009-04-10T14:02:00.000-07:00

知道全部既實習
1 - 老人院
2 - 醫院手術部(內臟+絕症)
3 - 上門護理
4 - 醫院胸肺部
5 - 精神病院
6 - 自己選 (心儀 : 初生嬰兒部. 心臟科...)

天助我也

2009-04-09T12:23:00.000-07:00

這叫做*天助我也*吧...

老師突然入院, 一個月都唔教得書...
原本會係佢評我醫院Practical試...(4月21日)
自己都未有(心理)準備...

另一位老師呢咁啱個個星期放大假..

所以, 我個Practical試會响下一份實習先會考~~!!

開心呢~! 要賀一賀~!! 也祝老師*唔好太早*康復..一個月OK了~!

NIKON窮人三寶

2009-04-05T22:43:00.000-07:00

終於有齊NIKON窮人三寶 XD 好野~!

幸福痛苦

2009-04-04T09:36:00.001-07:00

當想買野但又唔知買咩, 又怕貴唔值既時候..

係幸福, 定係痛苦?

號碼

2009-04-01T23:26:00.000-07:00

條8婆琴日無啦啦扯火話D病人唔係號碼

我自己都唔需要解釋, 有個同事已經插咀(不過我覺得唔係因為佢好心)

D人當然唔係號碼, 不過我地學左响大庭廣眾唔可以叫名(私隱) 姓氏都唔太好(因為有D姓氏特別,唔係好多人叫XXX)

而且, 我唔係只係叫號碼, 我係話: 148個位太太.. 158個位先生..

我唔覺得有咩唔啱喎..佢真係有問題.可能係荷爾蒙失調

B女Projects

2009-03-30T13:18:00.000-07:00

- 改粉紅MohairB (用HaHa,決定左)
- 改好Aubrena (眼片都到左了, 只係妝仲要加少少手腳..)
- 改FrFr
-好想開Sdme玩..
-AdAubrey同Sky我只會開其中一個...

B女Wishlist :
-CaChat
-VL

娃

2009-03-28T07:17:00.000-07:00

又買左一堆Cheap Cheap夏天衫~~

另外Heather Sky 同Adorable Aubrey 嘻~
開頭想放棄Aubrey不過見HLJ都要比錢啦..cancel一個不如買哂佢(都係7600YEN)..比一個稅不如一次過比兩個..(Document fee一個娃兩個娃都係一樣..)

而且..Aubrey會貴吧.. 次次買左都會升...

小人

2009-03-24T11:05:00.000-07:00

小人我知一定有,
而且只係頭幾日返.. 一定唔會太順利
今日比人話, hurt 左一hurt 都未喊出黎..

點知食完飯老師見到我問我返成點..
立即咩委屈都出哂黎.. 喊到豬頭咁..衰左.
之後仲要比個Psy拉去同小人面談..

呢份實習..真係一個好既開始..

女人

2009-03-22T12:35:00.001-07:00

今日成功地, 似番多D女人..XD

壓力

2009-03-17T23:06:00.000-07:00

琴日瞓前不能自控地喊了出黎..

因為第二份實習會開始了..

因為聽講有一d人會响實習2考Practical exam(天真的一直以為係實習3)

因為M2 有好多好難既生字要記..

因為...時間真係過得好快!!

Nikon AF-S 50mm f/1:1.4G

2009-03-16T10:07:00.001-07:00

決定左要買呢支鏡用黎影娃相既時候..
只係用左2日時間決定.. 猶豫時間間都有貨..
居然突然間,間間Online shop都冇哂貨..
另外我仲想要分期付款..(話哂都4000幾蚊..) 信譽好的大店如PixMania, Materiel.net
之後想話算啦冇分期味一次比哂..連Amazon.fr都Soldout左..
激心.. 有冇咁神奇咁快啊..
又唔想同3唔識7個D Auction又或者好似Amazon上個D個別賣家個D買..成日都得好少好既%

最後好在响Ebay搵到個100% 有一萬幾+ve既德國賣家...+埋UPS郵資仲平過响法國買..
(Warranty係Nikon的所以都有效..)
所以豁出去了, 一野BIN買左.

而家月尾只好減產, 只生Prima黑妹吧..

無奈

2009-03-14T09:54:00.000-07:00

好無奈

有D野有D時候, 居然老公都幫唔到自己.

J'en ai marre

隨想

2009-03-13T13:36:00.000-07:00

結婚時有憧憬: 有自己可愛既家, 生一至兩個小朋友..工作愛情圓滿.

幾年之後心態改變了, 唔想生小朋友, 一黎冇經濟能力(有都用哂响娃,同行樂) 二黎見到周街比人教壞既小朋友..只有歎息.. (有時真係想一巴星個小朋友. 個個皇帝仔皇帝女咁..大哭大鬧冇人管到..)

D人同我講起生小孩既決定 : 係因為 "係開心既事"..(唔好聽D講味又係為左自己開心. 有冇想過個小朋友...會有幾多負擔, 有冇問過佢想唔想黎呢個World...)

法國天主教傳統思想, 小朋友細細個被洗腦既意念: 大個左要結婚, 生好多好多小朋友, 就happy ever after..

真的.. 有呢D想法既法國人真係成街都係..

我話唔想生時... 佢地個個個口擘到大一大.

經濟問題? 响法國有好多Allowance, 唔係問題為左比少D稅個個生至少3個.

(政府想D人生多D, 如果唔係我地第日老左靠邊個養? 味又係為自己, 自私)

不過我自己可愛既家都未有, 工作都未圓滿..

我想有哂呢兩樣野既時候, 我已經係一個高齡產婦, 生一個都或者OK. 之後又怕有代溝..死未.
教唔好又只會遺害社會.. 小朋友自己第日又失業咁..只係惡性Cycle.

點都想唔到出路. 又想唔到為咩要生 (唔生過唔係真女人? 生BB係女人天性?)

自己對人生都好似冇左憧憬咁.

人大左只有現實+現實

有時心灰意冷到真係希望可以响睡夢中就咁去左(唔想自殺, 我怕痛!) 一了百了, 咩都唔洗諗

將來, 係未知之數, 對我黎講: 好遠好遠.

生存, 係為左咩?

家庭? 工作? 愛情? 定只求身體可以用得有幾耐得幾耐, 百年歸老就係光彩?

都快三張野, 人生都差唔多走左1/3
(當我會有90吧..不過我有預感唔會咁長命)

我唔想太老先死, 而家見得多: 只有Suffer
我有時真係可怕到.. 中意去食M記味去食, 思鄉想食中餐味去食..
午晚餐都買外賣..
人點都會死, 點都要有個原因去死吧! 中意既味去做..

話唔定有一日突然有咩意外, 真係咩都做唔到

冇小朋友都唔會多個人為左我既死而傷心. 都係一件好事.

娃之近況

2009-03-11T03:15:00.000-07:00

1. 最後因為Creditcard冇6個月有效期 (想分期啊..4000幾大銀..)

加上窮爆而冇買到50mm f1.4G既鏡頭.. (我係唔會放棄既...下個月!)

2. 第二個改娃因為其中一塊眼片有default(而家先見到..哎), 要另外買過.. 窒左一窒改娃條氣

3. 去Aubrena妝時驚見原來佢眼影係啡黑色..好靚..不過最後都係全改妝..

4. 因為2. 而家順便去Coolcat買埋改粉紅B既髮排.. 另打算用Happy Harbour改..(原妝Keep, 只係改髮)

5. 3月Prima Dolly 黑妹買硬 (上HLJ訂左EarlyBird, EBAY而家好貴).
不過Aubrey同Willow未知..(買左Willow都只會用黎改..)
反而Aubrey今次想Keep番佢個Look...

6. 改完粉紅B已經有另一Idea改娃..不過..都係等4月先吧..

7. Doronjo最後當然抽唔到.. 算了,無緣就是無緣...

8. BB我想我唔會訂..(中意佢Outfit而已.. 唔想再要啡髮!!仲要咁貴!! 不過係FBL啊.. 嗚..)

9. 一時心動又想買1/3既Chami (又可Layaway)不過下下買野都Layaway最後個個月都會好和味..
(都係玩B算了)

10. Soom 既2月雙子唔買!忍!

改娃

2009-03-04T08:40:00.000-08:00

改娃既用品都到齊了..下星期正式開工~嘻~!娃

今次再改一改LuckyB,

不過刻咀都係下次了..

手袋

2009-02-28T14:12:00.000-08:00

嘻~ 先心大心細想買BJD.. 點知又花左錢..距離BB愈來愈遠了..

(另外仲想睇下買唔買到Doronjo)

中意買鞋子之外,我想第二會係手袋..(真係女人..)
大細袋子都有..不過冬天出街多數用細袋..(著住件大褸手臂太肥唔好揹袋..) 夏天大細袋都有用..

返學係用大袋..因為..文具NOTES,水,飯盒,小食..(返成日學啊..梗係要咩都有..) 紙巾唔到你唔信...最高紀錄我個袋入面有1打(12包)紙巾... XD
仲有藥, 銀包,手提...

上次買既3個熊貓手袋都一致好評~ 人人都話夠特別...

今次入左3個唔同大小既..

1 - 扭計#式#手袋~ (一見大好~老公勁中意..XD)

細碼地圖手袋..(係真定假野???睇價錢似假既多..不過冇奶由呢間出名OnlineShop會賣假野?)

最後係細細既, 用黎放身份証車牌鎖匙既銀包仔..

Glot & Glati

2009-02-28T09:13:00.000-08:00

好可愛啊~~!! 好想要仔仔~(右)
要買就破產啦 3月會係黑暗的..

入春裝~

2009-02-21T22:02:00.000-08:00

我想衣物類之中,我最中意買鞋子的~
今日既戰利品..

另外又買左一堆衫同兩條4個骨牛仔褲..

呢邊既衫一般都幾貴..我多數唔想花多過20歐羅一件..所以都係買SALES既野多..

Twilight

2009-02-15T14:28:00.000-08:00

真係好上癮..不過云云non-offical既野之中..睇中左佢..

Red Drop - Blood
Lion - Cullen
Swan - Swan
Heart - Edward's present to Bella
Wolf - Jacob
不過..Rose 係咩???? Rosalie?

改娃Project 2

2009-02-09T16:35:00.000-08:00

-Aubrena娃@ ebay (收到了~)
-眼片x4 對+頭蓋@Coolcat (收到了~)
-Wig + 眼睫毛 @Cancan (寄錯野比我, 我想要既冇貨,退款了)
-拉環Charm 1 @ebay (收到了~)
-拉環Charm 2 @ebay (收到了~)
-字母粒, 環, Crimp end x2, 繩 @online shop (收到了~)
-衣服 @TIB (收到了~)
- Wig @ Ixtee (收到了~)
- 眼睫毛 @ebay (收到了~)
------------------
約用左2120HKD (其實係佈置兩個拉繩比較貴.. 之後係個WIG...)

Aubrena原裝scalp打算比哀B用... 唔好o徒

好心急..等物資到至少都成一星期, 改既話..好天既應該一星期可以了吧..(況且我3月有一星期大假..)

Reina

2009-01-02T08:28:00.000-08:00

11月4日訂, 12月29日寄出, 1月2日到家~!

我既小公主Reina駕到~!

不過好快比我老化左佢, 成為左王后.. XD

我都係中意佢成熟D多D~ :P

驚喜

2008-12-24T13:34:00.000-08:00

最近心情極之煩躁.. 不時發脾4又大鬧...

感動既係今晚老公送左份神秘禮物比我..

一年365日, 日日都有為一個名慶祝...

12月25日係聖誕, 法文係Noel, 所以都係我既節日~ (Noelle)

我仲話今日係我既節我有冇禮物先~(其實我只係講下笑)

點知佢話..係喎~ 好似係喎~ 所以有份禮物比你~

(我只係準備左大家聖誕節既禮物..所以真係好驚訝)

開盒見係我想要既白色PSP (仲有幾隻我想要既game)

我想要左好耐不過一直都冇買..怕玩兩玩又掉埋一邊..

不過真係好開心.. LocoRoco真係好爆笑~~ 日文對白好可愛~! 心心~

Q-POT

2008-12-23T13:42:00.000-08:00

有冇攪錯...

EBAY有人已經賣400USD.. (JM都係175USD)

覺得佢幾靚呢~ 睇左佢既VIDEO之後~

堅強

2008-12-19T09:53:00.000-08:00

自己完全都唔堅強, 今日又喊左一次..好掛住份工..
話哂係我黎左法國後第一份真正既工..仲一做做左一年零3個月..
好有歸屬感..突然又好似咩都冇哂...
又要由頭開始...
之後既路, 知道唔易走..
而家只有傷心同怕..

Fairyland Ante

2008-11-03T20:50:00.000-08:00

最後都係魚與熊掌可兼得...XD

Rococo太可愛了~ FL既娃面孔係有一種特別既感覺..

當初小二都係唔中意佢太細..(Lati Yellow既太小已經係我既極限..)

關節又勁好...

Fullset比basic都係多90美元..

聖誕禮物就落實了.

累

2008-10-28T22:13:00.000-07:00

唔好話買娃了..連網都少上, BLOG都少打..

只係勁大心FL既Ante....
不過..
貴呢..

PS3 同FL 之選..

我決定
放棄自己想要既..完成老公想要既..

累...

Audi

2008-10-13T12:36:00.000-07:00

Aztec Arrival 到埗了~

盒子好Retro ^^ 其實佢都唔係太古董 (2002年出品)

腳架都特別D~~ Audi 個名有意思的, 指 "The last one"

幾時開盒係一個問題.. 放完大假了~ 又再搏殺!

近況

2008-10-06T10:19:00.000-07:00

去完海邊玩返黎了~ 4日之中3日都有雨, 好在都有少少時間天晴.. 不過心情都唔太好.
而家感覺好黏家, 唔响自己屋企過夜總會有不安既感覺..
加上呢排又瞓唔好, 晚晚都發好奇怪既夢.

有時3-4點醒左, 因為個鼻敏感... 要走去上下網打下MMORPG, 分下神冇事先可以再瞓過..日日如是... 而家又開始日日狂打MMORPG既廦好..我覺得完全係No Life.. 好在只限於我放大假之時..因為返工既話完全冇時間同精力去做.

等緊3個娃, 一個到左, 一個呢個星期會到, 一個唔知... 我覺得我飽和了.. 而家收到娃娃都冇以前新手時既興奮.. 收到都係機械式的開盒CHECK下有冇問題, 著衫WIG, 拍拍拍幾張開盒..之後有時間先會再閒拍..娃娃比較似係收藏品多過玩具..

呢幾日會花多D時間煮飯~ 好似明日會煮牛脷飯同之後會煮蘿牛肉(西式的). 其實之前都煮過兩次..不過突然好想食.. 天氣再凍D既會煮羅宋湯~ Miam Miam~~

係咁先~!

出發~!

2008-09-30T13:40:00.001-07:00

聽日出發去玩啦~! YAY!

立誓

2008-09-28T08:28:00.000-07:00

我要同自己立誓:

入手Aztec之後.
唔會再買任何BL, EBL, SBL, EBL 既B囡.
(人地送可以吧..不過都唔會有人送!)

再買B之時, 是出新面模之時. (因為我儲模)

以此自我檢討, 忍耐.

2009 年
唔買娃, (不過可以賣)
讀書期間既金錢用作2010返香港,買車,買屋之用.
娃品可買, 不過要節制 (希望一個月唔用多過50美金)

係立定決心的!
講過既話唔可以再唔算數了.

敏敏羊

Meromero

2008-09-28T01:41:00.000-07:00

MeroMero好唔掂..成日都入唔到去.!

努力埋佢.

2008-09-22T05:52:00.000-07:00

次次返完4日放得一日假都累都咩咁...
好在仲有三日就放大假~ 差唔多成3星期...

之後搏殺埋1/2個10月,11月同1/2個12月...

(至少今年唔使返聖誕新年...)

又要搏殺10個月... 真係一個挑戰: 6個為期1個月既實習(6個唔同既地方)

見既人會多左, 要學既野會仲多...

不過我有D期待~ 學生既生活~!

程咬金

2008-09-19T07:46:00.000-07:00

咩vampire,Byurl,Punk Cristin都冇買了~~

最後殺出既程咬金...

勁有個性, 可男可女, 至大心佢既Smoky Eyes...

買夠左450美元送多一個Elf Sleeping Kumi頭.. (其實考慮左好耐因為如果只係買我最想要既..都只係412.5....
不過而家叫比多37.5 多左個Mohair頭, 同一對翼... 同個頭.. 叫值呃~ )

橫掂都已經有Kumi (大Me),可以比個頭佢用..不過化妝自己黎Lu.....

因而咁我都破產了.
或者係好事~ 冇錢咩都唔使考慮~ XD
我要寫紙仔發誓今年.. 唔再買娃...

Jaime毒纏身

2008-09-18T08:14:00.000-07:00

B都忍到..不過BJD好難啊...

Jaime今次出既special,都幾中呢~ 而且又有頭送.. (不過都係TUM我第日買多個身姐...)

細既出tan Punk版

大既出little Vampire

其實我比較中意彊屍版~ 一直都想生個Gothic既仔/女
細既吸引因為tan既男仔幾型~

睇中左佢地:

Little Vampire Winny

Punk Look Cristin

另外都有想過兔兔Lea既Order加個Yellow Basic,
一開始係想要Benny
不過而家又開始大心Byurl...
(有特別原因)

問老公意見..
係冇用既意見..
問完佢我都決定唔到買邊個定唔買..

價錢都係一個問題..
兔兔Lea已經去左一筆..
彊屍Winny 加埋郵都至少400
小PUNK 加郵都至少350
加Basic Byurl +wig+ 妝 (+combined郵)要加 280...

電話

2008-09-16T08:59:00.001-07:00

又多一個理由唔買CO... 嘻
其實之前我係想過不如轉個Phone Plan (而家係比18歐一個月, 有時真係用剩好多時間..又冇得延去下一個月..好似好o徒咁..)

點知平既plan又要買個新電話...

想過不如唔好轉..
註: 我係用緊BenQ既hello Kitty 電話, 真係basic 過basic, 冇相機.. 真係只係用黎SMS同打電話...

點知老公突然話想換電話, 佢用緊既係HTC Touch

見有個Plan都係比18歐一個月, 個新電話(HTC touch diamond)只係129歐之後仲有50歐回饋... 平到爆, Plan錢又冇比多(只係..要被綁多兩年..都冇關係..都係要用電話姐..)

送比佢既7周年結婚紀念禮物就選定了~ 橫掂我又冇咩頭緒買咩比佢好..
(自己又想要咩呢.. 未決定..娃呃?)

佢個舊HTC Touch我可能會接收啦(可以24/24上MSN,嘻~)..
個Kitty電話點處置仲係考慮中... (唔用電話上MSN既話..Kitty電話好夠用..咁就會賣HTC Touch)

不過有樣唔好既係要轉電話號碼啦.. Keep唔到用開既..(其實都冇轉台!!可惜啊..因為個號碼都幾靚..)

忍啊..

2008-09-15T20:55:00.000-07:00

CO真係好大引誘... 不過我要忍..我要停買B...

我見佢唔到..我見佢唔到..我見佢唔到..我見佢唔到..我見佢唔到..

妄想定行動?

2008-09-12T15:28:00.000-07:00

我知完全唔可以100%可信, 又或者唔知可唔可以做到..

我真係好想停生娃娃....

(真係好想..不過..唔買娃好似冇左樂趣... 其實我係唔係應該要知足呢..)

身體健康了其他既唔應該介意太多...

Pullip已經做到了.. 又成功Avoid左9月P.. 不過11月宮廷呢.....?

Blythe 呢... 原本想Cousin Olivia會幾平下都會買既心態下, 而家因為生左Lati而打消念頭了... 10月既冇咩興趣..我想我應該由此做起..P女都可以了..B都應該可以...

BJD呢... YO既都已經夠多.. 大娃唔想再多... Lati都係兩個夠哂算.. 而且下下都幾貴...
要知足!知足啊...

賣唔出BWT既話索性唔賣吧.. 有時都覺太多Transaction都好煩...

法國Forum既人又成日呀之呀左.... 唔可以爽快一D嗎..

老人院2

2008-09-12T02:55:00.000-07:00

婆婆琴日(星期四)正式入住老人院了. 11時入住.

佢個囡(奶奶)仲特別同佢一齊响個度食下午飯(當然係另收費, 不過唔太貴) 我地12點45分去到, 佢地剛剛食完飯~

我買左盤玫瑰花比佢, 至少可以裝潢一下房間. 其實都裝飾得8899, 多左好多相架,油畫(係佢過左身老公油的). 房間立即多了一D親切感.

下午一時房內已經有陽光入房~~

我地冇逗留好耐, 因為我1點30分要返工(其實只係佢樓下)

下午返工時, 我見有少少時間都會上去見佢一下.

下午5時30分上過一次, 佢好悶冇咩野做, 又唔太識人..

下午7時30分又上去一次, 佢已經換好睡衣, 等護士放佢上床... 我問佢, 佢話食得好好~

今日都係返下午, 都會如是去見一見佢呃..(奶奶要星期日先可以再黎)

lati 兔

2008-09-10T12:45:00.000-07:00

我想我選定了...

唔知幾錢? (唔過400OK, 過既話我會入Basic.... Benny)

送既手手Sets好可愛呢~~

續Bonus

2008-09-10T02:31:00.000-07:00

果然買一得二. 不過單單比兩個既稅都差唔多係買一個既價錢

算係得, 定係失?

Hold左成個月比人既兩個B (Cheque都一早寄左比我,不過要我一個月後先Bank),

最後都係果招失業, 有個仔要養, 好Down blah blah blah
想就咁算嗎? 我話哂等左成個月!

一係比番一Part訂金我, 一係我整臭你個名等你响Forum有一大個-VE.
最好當然交易成功.

唔係既話, 味當同呢兩個B太有緣.. Keep番之餘又開番個慶祝吧.

老人院

2008-09-09T14:19:00.000-07:00

又黎呢個感覺... 日日都係返工, 放左工好累, 要瞓下.. 想玩娃都冇力..

今日破左晏覺既紀錄... 一向都係瞓兩三個鐘, 今日大昏迷左5個鐘 (晚上6點至11點)

飯都冇食. 瞓到仲發夢, 不過發咩夢唔記得了..

仲要做到12月尾啊.. 我想下年辛苦都係精神上, 唔係肉體上吧..?

---

琴日同老公既婆婆睇下老人院既情況.. 星期四佢會入住了.

一開始佢唔太開心, 不過我覺得佢係好無奈..

只從1.5個月前佢自己响屋企跌倒, 要住物療醫院後(仲瞓左1.5月床唔可以比腳用力)

佢知自己"暫時"唔再行得...當然唔可以返屋企自己一個人住..

所以一直唔想去老人院既佢, 而家只好無奈地接受...

佢個囡(我奶奶) 更加難受, 覺得好似放棄佢媽媽咁..

不過, 老人院總比物療醫院好, 至少比較似"生活"..

又有好多活動.. 琴日同佢介紹左唔同既活動, 佢都有興趣!

而且佢入住左之後, 仲會有另外一個老人家可以同佢玩Scrabble..

佢自己一個住既話, 我奶奶, 護士上門都唔可以24/24 7/7.....

老人院始終都24小時有人..

點都係最好既辦法..

佢會住既房係二樓, 兩個大windows, 森林景.. 下午仲有陽光照入..

真係唔錯呢..

我只係响佢樓下返工.. 而家點都唔會有藉口少睇佢吧.. (物療醫院我都係一個月探一次而已, 遠啊..)

而家睇下佢點啦.. 佢而家都只係覺得留係老人院既係暫時...

佢行得既話可以回家..

(不過, 實際未必係咁囉..)

唉, 真係唔想老..

Bonus?

2008-09-08T12:08:00.000-07:00

奇怪啊... 收到兩個唔同既tracking Number, 兩個搭同一班機, 一齊到左法國..

會唔會JM攪錯D咩.. 無啦啦買一送一? XD

過兩日分曉...

娃吧..

2008-09-07T23:01:00.001-07:00

好野~今朝終於收到JM既電郵, BWT 9月6日寄出了~ 而家响飛機上

不過, 我想都要兩三日先會收到..因為海關.

至少預計要20幾歐羅稅..(19.6%+document fee, 不過都平過人地EBAY BID..上一個誠惠168美元+Shipping)

而家都係125美元包左Shipping! 仲可以早D有~

Elfdoll既豬豬唔會再出了~ 以為今次豬豬著Alice裝會電中..點知套Alice 裝有點Cheap既樣子.

豬媽豬爸更不可入目...

Custom House 最後都唔打算入了.. 改娃等得既~

期待Lati 新圖. Jaime都 9月20日都出新野, 細既出Tanskin+punk Look, 大少少野出新頭..我比較期待little vampire winny..

到時先算吧..

9月26日放兩星期大假.. 不過之前做死左先..

BWT

2008-09-04T10:30:00.000-07:00

無意中見EBAY有人有實物圖..

啊啊啊啊啊啊啊啊啊啊太美了~ 好在有訂! 比稅都係咁話!!!!

我會唔捨得開架...

JM 應該寄出左了吧....

討好自己

2008-09-02T23:19:00.000-07:00

最近買娃同娃品太多, 一直都好少買野比自己.
終於的起心肝, 錫娃之餘都要錫自己先得~

上個XMAS買左個細細熊貓手袋之後~ 對呢個牌子完全大心~(雖然佢地都有兔子同貓貓)
今次又買左另外兩款既熊貓袋
方形同長形的~

返學, 出街都得~!! YEAH

另外衣服都買左幾件, 不過特別既係呢款, 我好中意Hoodie 都日日會著..

(差唔多30歲人了仲著呢D款會唔會太過呢...)

賤人

2008-09-02T10:17:00.000-07:00

真係未試過咁憎恨一個人... 以下係鬧人Post, 如不喜看可Skip:

------

一直返工都係借奶奶既車用, 因為佢平日係留响屋企做老爺診所既接線生唔可以出去..

佢只係星期四要用車Shopping...

上星期5至星期日我都要返早. 所以我可以Keep佢架車幾日.

奶奶已經一早同我講, 可能佢個大仔會黎攞架車去用幾個鐘, 因為要幫朋友車部乾衣機...不過唔知邊日.

部車係細細部. 不過後座摺埋左係可以放勁多野都得...
上次佢都係因為某D事借左架車用, 仲用左成1/4油, 之後扮哂野冇入番油...

(借車比你, 用左油入番都好正常吧..唔係下下奉指...)

我冇反對, 我未話我放工後佢打個電話比我咁我可以比車匙佢...只係要佢當晚比番架車我第二朝返工就得..

我完全唔知佢邊日要用, 星期6我放左工因為要買D野, 同老公出左去..

返到黎成5點幾, 佢打黎, 話要車, 之後黎左攞.

當晚佢都還番比我第日返工..

點知... 第二日我出門口...見有D唔妥...

車入面既燈好似著住左...(心知不妙...)

坐上車, 開動...唔到..

原來個衰人冇關好個車尾箱.. 車入面既燈成晚著住..Empty哂車既電..

好嬲, 大叫"正衰人!!!!!!!!!!!!!!!!!!!!!!!!!!!!!!!!!!"

.. 之後飛奔返屋企响熟睡既老公求救..
當時係早上6點35分.. (可憐既老公)

好在我一直都早D出門口...老公立即用佢架車車我返工..

我同老公講, "唔該叫你大佬自己黎收拾, 車匙比番你呀媽."

真係嬲到喊左少少... (咁既人都有, 係唔係玩我先?)

當日下午都係老公接我放工. 老爺都响車入面,佢黎因為想攪番好架車. (當然都係要借用到我老公架車既電啦...)

老公之後同番我講, 老公自己都發哂脾氣同佢父母呻, 點知佢呀媽仲係幫住個大佬.

反而老爺企我地呢邊, 好嬲個大仔. 借架車都唔係自用, 而係去幫D豬朋狗友. 用完又冇手尾..

我而家決定唔想再同呢個人再有咩關係, 我都係想辦法快D買架車自用.. 當然到而家為止佢完全都冇Sorry 啦..

- 之前我地幫呢個衰人勁多, 佢住樓下時成日上黎借野, (廁紙, 油, 蛋....) 有咩碟想要又要我地Burn比佢, 想要Blank DVD又要我地一兩隻咁賣比佢(佢大可自己去超市買), 又想我老公做佢女朋友柴可夫司機... (原因完全唔係OK的...)
- 我同老公同時期生日, 佢地次次都冇送禮物比我(只係比我老公), 仲要次次都係Cheap野..佢女朋友未曾有一次有出過錢.. 女朋友生日反而要我地送野..
-用完公車(奶奶車)又唔入番油, 我笑笑口同佢講 "你上次用左1/4都冇入番喎", 佢只係衣衣哦哦話會入番, 最後當然冇啦..
-自己買左屋, 搬到鬼死咁遠. 返工唔方便, 日日中午飯去呀媽到痴餐, 買屋有大花園又係要指意父母去鏟草.
- 因為佢想要車我地又唔响屋企, 佢打電話比老爺(佢爸爸)發哂老脾話佢唔可以立即用車.. 老爺做錯D咩要比你鬧呀?
- 佢要車好似大哂咁, 要立即有, 只係打去我地家,又唔打我地打機, 唔通我日日响屋企等你咩? 佢自己有架跑車, 細到咩都裝唔到, 佢呀媽都叫佢換架正常D既車, 佢自己唔肯, 又要成日借人車.
-買屋亂簽字, 最後都係父母幫忙(錢), 自己一個仙都冇, 冇錢比稅又响呀媽求救, 下年佢要比房地產稅我睇佢點死..

衰口都要講: 呢個人正賤人. 聖誕節我會同佢地講我唔再交換禮物, 生日佢地都唔使送野比我, 我都唔會比禮物佢地. 唔使再煩.

無題

2008-08-29T11:23:00.000-07:00

今日又痛過(腰)... 仲以為休息左一日會冇事..

仲要今日工作唔係太暢順..成日人都好煩躁...

快D完9月啦... 我要大假啊...

突然好有衝動想買Xiao Fan... 唔知點解.. 覺得佢幾靚..

又係要等, 等latidoll, 等Cousin Olivia.......

*爆笑*

日版既Mero學會左.. 放屁..

閃腰

2008-08-28T05:52:00.000-07:00

唔知仲咩..琴日朝發現腰好痛, PATPAT對上左至右同埋左邊肋骨位成個部分..不過因為要返多一日先有一日休息, 所以都頂硬上, 一路做野一路痛, 有時痛到仲有想嘔既感覺(!)

晚上9點幾放左工都立即O拍兩粒止痛藥乖乖上床休息

今日一起身以為好少少...點知下午又開始痛...

我仲有排先有大假放..再係咁落去我真係要去睇醫生...

痛..哎

人生大計

2008-08-25T13:30:00.000-07:00

同一個剛結婚既同事講起, 佢想短期之內買地起屋.. 於是突然又令我想起自己既人生大計..

1. 下年1月入學, 儲錢(見2).

2.課程差唔多完既時候..(大約下年7-8月吧) 買架幾新既二手車, 約4000歐羅, 至少夠用幾年返工, 之後再換新車仔.

3. 希望畢業立即搵到工, 可以立即攞2010年頭大假 (見4)

4. 2010年頭大假返香港+去日本(如果經濟許可既話)

5. 開始儲本買間屋仔, 至少三房, 細花園+泊到兩架車. (再唔係, 租)

6. 之後旅行目標: 北京, 希臘, 美國東至西岸

7. 有錢既話會領養一個小朋友(唔打算生...而且..到時候我都太老了)

好似好好計劃咁, 其實我真係覺得好煩, 咩都要諗咩都要打算,

其實人生有幾多年...? 人生真係要買屋嗎? 人生真係要生小朋友嗎?

有時我想過我唔存在或者會更好, 至少比家人少左激心, 少左煩惱.

~~*羊二棧*~~

婚訊